به گزارش دفتر منطقهای خبرگزاری تسنیم، کمیته دولتی امنیت ملی تاجیکستان اعلام کرد که در چارچوب اجرای قوانین داخلی این کشور، 250 خانواده مهاجر افغان بهدلیل تخلفات قانونی از خاک تاجیکستان اخراج شدهاند.
به گفته این نهاد امنیتی، شماری از این افراد به اتهام ارتکاب جرائمی مانند قاچاق مواد مخدر، استفاده از اسناد جعلی، عضویت در گروههای غیرقانونی و دیگر تخلفات بازداشت و سپس از این کشور اخراج شدهاند.
مقامات تاجیکستان تأکید کردهاند که این اقدام در راستای تأمین امنیت ملی و جلوگیری از فعالیتهای مجرمانه انجام شده است. در عین حال، این نهاد اعلام کرده که همچنان دهها هزار شهروند افغان بهصورت قانونی در تاجیکستان زندگی و کار میکنند و برای آنان شرایط اقامت و اشتغال فراهم است.
تاجیکستان در سالهای اخیر یکی از مسیرهای مهم اقامت و تردد مهاجران افغان در آسیای مرکزی بوده است. پس از تحولات سیاسی افغانستان در سال 2021، شمار زیادی از شهروندان افغان برای کار، تحصیل یا پناهندگی وارد این کشور شدهاند و به گفته مقامات دولت «دوشنبه»، بخش قابل توجهی از آنان بهصورت قانونی در تاجیکستان زندگی میکنند.
در همین حال، نهادهای حقوق بشری و برخی منابع مستقل نسبت به پیامدهای انسانی این روند هشدار داده و خواستار شفافیت بیشتر در روند اخراجها و رعایت حقوق مهاجران شدهاند.
انتهای پیام/.